نجم الليل الحضور الدائم
عدد المساهمات : 2694 نقاط : 8376 تاريخ التسجيل : 03/12/2009 العمر : 33
| موضوع: حـادثة حقيقيـة حصلت لفتــاة كانــت ضحيــة لبيـــع .........!!؟ السبت ديسمبر 05, 2009 9:53 am | |
| السـلام عليكـم ورحـمة الله وبركـاته
أسـعد الله صباحكم \ مساءكـم بكـل الخيــر؛؛
القصة اللى بنحكيها توا راهو مش واخذها من فيلم رعب ولا فيلم هندى ولا حتى مصرى ومش خيالية ولا حتى حلمتها
فى المنام ....يعنى هيا حقيقية مية بالمية 100% وصايرة فى بلادنا ليبيــا ومرات سامعين باها من قبل يعنى هيا
قصة قديمة جديدة ومرات إنقولو فاها باش نخوفو صغارنا باها
المهم خلونا فى الحكاية توا
وقبل مانخشو فى القصة نقولو الابطال قبل اللى هما
2 نساوين ... دكاتــرة ليبين .. الضحيــة (الفتــاة )
وهادى الحادثة حصلت فى اول ايامات رمضان يعنى المدرسة كيف بادية
نبدا القصة
فى يوم اضنى تانى يوم المدرسة لهذه السنة مشت البنت للى المدرسة ع اساس بتاخد كتاباتها والجدول مشت البنية
المدرسة وخدت كتاباتها وهيا مروحة بكرى من المدرسة قيسة الساعة 10 لقوها زوز نساوين فى سيارة وقفوها
وقالولها ماتعرفيش عيلة (كذا كذا) وهما النساوين الزوز يعنى متقصدين البنت هادى ومقصقصين علاها وختارو
اسم العيلة اللى يبوها من بحدا جيهتهم وبحسن نية البنت قالتلهم نعرفهم هادو جيرانا مشى قالولها اركبى معانا
سلم بنتى وصلينا لاها ومنها اروحو بيك قالتلهم باهى والبنت هادى تقرا سنة تانية تانوى فى مدرسة بشير
الاسطى ممكن سامعين باها ولا حتى قاريين فاها وبعد ماركبت البنت فى السيارة تفاجئت بوحدة من النساوين
طلعت مخدر وخدرت البنت مسكينة وربطاها بوشاحها وفقدت البنت الوعى ورفعاها لى مكان بعيد فى وحدة من
المزارع والبنت صارلها يوم ونص واهلها مايندروش علاها مساكين بعدها البنت ناضت ولقت روحها فى مكان عبارة
عن حجرة صغيرة نصها مبنى من الزينقو ولقت روحهاتقول فى حجرة للعمليات الجراحية ولقت مجموعة من الاطفال
وحتى بناويت اللى ينزف ينزف واللى مدايريلا يبرة التغدية ولحسن الحظ لقت بنت معاها حتى هيا ضحية ومدايرينها
يبرة التغدية فكتلها رباطها والنساوين الزوز اداكم قاعدين يستنو فى الدكاترة امتى يجو سخر ربك ناضت البنت
قبل مايجو بعتالى إلقو فتحة صغيييييرة فى الزينقو
طلعو منها بعد طلوع الروح لين إيديهم إتشرحو تشريح وطلعو قريب المغرب ولقو روحهم فى الخلى المخلى مشو
مشو مشو البنت اللى معاها اللى فكتلها رباطها خلاص معاش قدرت تتحمل طاحت مسكينـة إشبح شن صارلها لتوا الله أعلم
بحالها وكملت البنت طريهقا لين إلقت نقطة ضى مشيت تالها ولقت حوش طلعولها إمالى الحوش قالتلهم ع اللى صار
قالولهاا منقدروش انديرولك حتى حاجة غير انوصلوك لا وين ماتبى حتى هما خافو من المسؤولية وروحت البنت
تانى يوم لى إمالاها وتوا البنت فى حالة نفسية صاعبة علاها البنت اللى خلتها ربى يلطف بحالها ان شالله
وكان مانقدتش روحها البنت لكانت ضحية بــيع الأعضــــاء
وبنوقضكم هادى الحادثة حقيقية ونى على صلة قرابة بالبنت تقدرو تقولو بعيدة شوية لكن صدقونى مش خيالية ولاهيا مصطنعة
وزيدوا وقضو صغاركم ومش صغاركم بس حتى كباركم شوفو هادى البنت عمرها قريب 16 السنة تعتبر باهية
كبيرة شوية وتفهم لكن حتى الحيلة لها دووور كبير هلبة
ولازم هذه الضواهر لازم ما ننفوها نفى فى مجتمعنا الحبيب
والمشكلة إن الدكاترة ليبين وفى رمضان وشوفو الفلوس شن ادير بالله ...وحتى ضمير بعض الناس شوفوه لا وين وصل ......الحمدلله على كل حــال
وربى يهدى الجميــع ويهدى من خلق
وعافانا الله وإياكم من شر هذه النفـوس الضالــة اللتى لا مكان بقلبها إلا المــال والحيــاة
لكــم خالص تحيــاتى ومحبتــى لكــم ؛؛ والسلام عليكم ورحمـة الله وبركاته<<
| |
|
Leader Wael الادارة العامة
عدد المساهمات : 2693 نقاط : 27381 تاريخ التسجيل : 23/11/2009 العمر : 32
| موضوع: رد: حـادثة حقيقيـة حصلت لفتــاة كانــت ضحيــة لبيـــع .........!!؟ الأحد ديسمبر 06, 2009 3:59 pm | |
| امين يا رب العالمين
يسلموووووووو نجم على القصه الرائعه
ولتكون عبرة لغيرها
تحياتي المعطرة الليك والى جهودك الجبارة | |
|
نجم الليل الحضور الدائم
عدد المساهمات : 2694 نقاط : 8376 تاريخ التسجيل : 03/12/2009 العمر : 33
| موضوع: رد: حـادثة حقيقيـة حصلت لفتــاة كانــت ضحيــة لبيـــع .........!!؟ السبت ديسمبر 12, 2009 10:06 am | |
| صح كلامك
ميةمية
تحياتى لك اخى وائل | |
|
لحن الحياة وسام الشرف
عدد المساهمات : 1155 نقاط : 6239 تاريخ التسجيل : 07/06/2010 العمر : 32
| موضوع: رد: حـادثة حقيقيـة حصلت لفتــاة كانــت ضحيــة لبيـــع .........!!؟ الأربعاء يونيو 09, 2010 3:10 am | |
| ما أروع قلمك حين يصول ويجول بين الكلمات تختار الحروف بكل أتقان .. تصيغ لنا من الأبداع سطور تُبهر كل من ينظر إليه .. | |
|
الصقر الحزين نائب المدير
عدد المساهمات : 3382 نقاط : 12075 تاريخ التسجيل : 16/05/2010 العمر : 32 الموقع : https://redcross.ahlamontada.net/
| موضوع: رد: حـادثة حقيقيـة حصلت لفتــاة كانــت ضحيــة لبيـــع .........!!؟ الأربعاء يونيو 09, 2010 10:11 pm | |
| يسلموووووووو علي الطرح الاكتر من راااااااائع
ونحن في انتظااااااار كل جديد
اجمل وارق تحياتي ........ الصقر | |
|