بلاش تعيد وتزيد السوالف وانـت مـا يمديـك
طريقك صعب واحلامك بعيده والغـرور اعمـاك
تعاتب وانت ما تدري خفوقي وش كثر معطيـك
على كثر لعطا حديـت قلبـي للفـراق وجـاك
اجي لك من هنا وتصد عنـي واعـذرك واجيـك
واجي لك من اهناك ونفس ماجيتك هنـا وهنـاك
واجيك حب عن كل القلـوب العاشقـه يغنيـك
اصيح القلب ما يغلـى عليـك وماتبـي يفـداك
عقب ما انهد حيلك والهوى جابك علـى مغليـك
بدا المشوار واللي باقي من عمـري بـدا ويـاك
لقيتك ضامي احساس وقصايد قلت اجي واسقيك
ابكسب فيك اجر و الا القصايـد فيـك وبليـاك
تصور من كثر ما اردد اسمك لا طـراى طاريـك
اصوت لك على الطاري بـلا وعـي وبـلا ادرك
مشينا بالغـلا لا خـوف ياخذنـا ولا تشكيـك
وفجاة من ردى عقلك طغيـت وغرتـك دنيـاك
قسى قلبك وبعد مـا تـدري ويـن الله موديـك
تبعتك لا خر الدرب الطويل و ماقصرت اخطـاك
احاول فيك اهدي فيك وادري مـا لله ابهديـك
مع اني صرت احاول لين ماجبت اولك واتلايـك
نصحتك واكتشفت ان الوفا بالذات مـا يعنيـك
اجل ذنبك على جنبك علـى مـا تفعلـه يمنـاك
اعرف انك بديت الحرب من نفسك واعترف انهيك
واعرف سلاحك الفتنـه اليـا وصلـت اقصـاك
تلمح بالجفا مـدري وش اللـي بالجفـا يغريـك
عسى الله مـا يحـدك للجفـا يمـي ولا يبـلاك
تولـم للفـراق ولا تفكـر ترجـع لماضـيـك
وحرام اني ماجعلتك تصفق اليمنى علـى يسـراك
انا ما قول كلمه وارجع اسحبها عشان ارضيـك
مدام رضاك في كسرة كلامي لا بـلاش رضـاك