الحقوني يا جماعة الخير داخل على الله ثم عليكم

بسم الله الرحمن الرحيم
اولاً / انا سعيد جداً اني اقدرت اوصل لموقعكم الجميل والرائع اللي اعطاني امل بجد بعد يأس شديد ومرير من حياتي ..
ثانياً / بشكر جميع الاخوه والاخوات من اعضاء ومراقبين ومشرفين ومدراء لانهم عم يساهموا بمجهودهم الجبار في اعطاء الامل والفرصة للشباب المغلوب على امرهم ..

انا شاب من فلسطين عايش في غزة عمري 30 سنه وعمري ماكنت بفكر بالهجرة بس بعد الانقلاب في غزة من حماس على السلطة والحرب يلي اجت واللي راح تيجي تاني كمان .. ومن الحصار صرت بدي اهاجر بجد وصارلي اكتر من ستة سنوات وانا بحاول الهجرة الى السويد ولكن ولا مره اوصلت حتى معبر رفح .. وربي الاسلام انا ضايلي شوية وانجلط .. انا صار عندي يأس في حياتي كلها ما اجاني يأس واحباط هيك لدرجة انو فكرت بالانتحار ولكن بفضل الله ماعملتها بس اذا بضل هيك مابعرف شو راح يصير فيا بجد ..

انا برجوا وبتوسل من الجميع اي حد عنده شي طريقة او بيقدر يساعدني اطلع فيها الى السويد يخبرني ويحكيلي وانا مستعد لاي شي بس اوصل هناك وبعدها خدوا روحي انا راضي والله ..

انا بعت اللي ورايا واللي قدامي ولسه بدي ابيع اكتر بس اطلع من هالقرف والخنقه يلي انا فيها واكيد جميعكم مر بهيك ظروف وحاسين بكل كلمة بحكيها وحاسين فيا وانا بكتب كيف حالتي ومعنوياتي .. انا والله معنويات ارتفعت شوية صغيرة لما شفت الموقع وانا ببحث عالنت ويارب يارب ترتفع معنوياتي اكتر لما الاقي حد يساعدني بصدق وبجد .. ويا جماعه انا والله مستعد ادفع اي شي بس اوصل هناك ..

ارجوكم ارجوكم داخل على الله ثم عليكم ساعدوني ساعدوني
انتم الأن بتنقذوا شخص مدفون تحت التراب وهو حي
اشكركم جميعاً واتمنى من اولاد الحلال الرد عليا
والسلام عليكم ورحمة الله وبركاتة