ابو شادي المشرف المميز
عدد المساهمات : 4083 نقاط : 10895 تاريخ التسجيل : 16/12/2009 العمر : 35
| موضوع: أنــا ،، والعَربــِي ،، وقَلمــي.. الجمعة ديسمبر 18, 2009 2:46 pm | |
| ســـلام الله عليـكـم
لما انولدت ،، وأسمــي عربـي ،،خرجت ،، صوتت ،، عيطت ،، سمعت ،، الكل بقولي يا عربـي ،، بجوز لو كنت واعي ومصحصح ،، ما سمحتلهم يقولولي عربي < "يلا عاد" ،، بس المشكلـة ما بعرف احكي لسه ،، يعني اختصرت وقلنا خلص عربـي عربي <<" وأنا دافع حاجة"
طيب ،، يا سيـدي ،، قدامـك مشكلـة ،، المفروض اتحلهـا < "اول مهمة بشوف وضعي معاها".. ليش ما بحلهـا ،، بحلها وبحل ابوهــا ،، آخـر اشي طلعـت انا محلحل ومش قادر لهالمشكلـة ،، فرحـت اتخلصت من المشكلـة من أساسهـا ..بلا مشاكل بلا وجع راس ،، هيك لازم تكون الحياة ،، شو الاسباب العلم عند الله ،، المهم أنــا ما دخلنـي ،، خلصت الي علي ،،
حياة وعشناهـا ،، فيهـا أمـل كثير ،، عن جد لازم نتمسك فيه < "هيك بالكتب والحكم والنصائح" بس بنشوف طريقنا بالنص مسكر ،، بنوقف وبنعطيها ريفيرس وبنرجـع ،، طيب يا ابن الحلال ،، لحلحها ،، شوف شو قدامك ،، بلكي تمشي لقدام احسن من ورا ؟؟ بقولك لاأأأ ،، قال شو ،، طريق الرجعـة عارفها <" ضحكنــي ،، ما شاء الله بختصـر،، تقول مقرن بالحياة"..
طيب فيـة شغلـة طالعة بالسحبـة ..شغلة الي بكون صادق مع الناس ،، ليش بنبشولو على شغلـة ،، يثبتو انه ولو لمرة انه كذاب < "على الطلاق إشي بحيـر"،ومش المصيبـة هيك وبـس ،، المصيبـة انه الشخص الكذاب ،، بحاولو الناس بكل ما عندهم يظهروه انـه صادق <" أنــــــــــــــــــــا عــارف عن هالأوباش" ،، طيب ليش ،، يعنـي ما بحبو يشوفو الكمال ،، لازم الواحد بالميـة من الكذب للصادق ييجي من المجتمـع ويعتبر حاله انجز اشي ،، او يزقو النسبـة للخمسين بالميـة للكذاب ،، عشان يسلك بالمجتمــع < "ع هيك ،، كلنـا بننفـع للآحصاء وتعديل النسب "
آآآخ على الحــب ،، شو بدي أحكي ،، مع انه الحياة م حب وبس ،، بس لازم ننصف هالحـب < "عامل فيهـا قاضــي" ، طيب ليش الي بنحبـة ،، بندور على شغلـة عشان نثبت انه ما بحبنـا < "معقول من كثـر الحب ، لازم يكـون فيه الحب أكشيـن" والي بكرهنـا ليش بنضلنـا ماسكيـن فيـة ،، ومتوهمين انه بحبنـا ، ليش ما نقوله يلعن أهلك ،، ونحلقلـة < "طريقـة اختصار العربـي ،، بكثر الكلام " ،، مع أنه ما بيجي بالكلام ،، والحكـم ،، المشاعر أكيد صعب تعبر عنها ..
انا فلسطيني عربي ،، ليش انا بقدم الخاص على العام ،، اشي غريب ،، صح؟؟ طيب ليش انا بسف برئيسي عن ابو جنب بفلسطين والمسؤوليين عن الحكومـة ،، "الله يحفظهم" <" هيك التقاليـد العربيـة"،، وما بسمح لحدا غير فلسطيني يضرب صرارة عليهم ،، اشي غريب صح ،، وفوق كل هاد الكل واضح ،، وانا كشخصي تأبـــط شـــراً ممكن شايف شو بصير ،، بس مش رايح اتفرج عليكم لما تحكوا،، او اقل اشي بوقف متحفظ..
طيب يا عربي ،، لو قلتلك ما بدك تغير عربيتك ما بتغير،، ؟؟ قبل ما نشوف الي بقولو اه ،، بالاخير رايحين ترجعو لاصلكم ،لانه الي بتخلى عن اصلة بكون ابن حرام < "قلتها على اساس انها احراج" ،، مع انه بالمنطق والي بفهمها ،، الي بتخلى عن عروبته مش فارقة عن .... اي اشي.
بالنهايـة ،، كنت بدي استرسل بالحكـي ،، واتفلسف كـ العادة ،، بس طبيعتي العربية ،، الي على راسهـا التقصير ،، غلبتني المرة وفوق هاد وهاد ،، الموضوع طويل مش رايحين تقروه كلو <"انتقاد شخصـي، صلى الله وتباركـ"،، وكذلك طبيعتكم العربيـة ،، لازم تغصر عن الردود على الموضوع ،، خيلنا نطلع راس براس من الموضوع < "يعنـي كا اني بقولكم اكتبو ردود " ..
نشوف رايكــم بالي كتبتــه
تقبلوا فائـق احترامــي [i][b] | |
|
الصقر الحزين نائب المدير
عدد المساهمات : 3382 نقاط : 12122 تاريخ التسجيل : 16/05/2010 العمر : 32 الموقع : https://redcross.ahlamontada.net/
| موضوع: رد: أنــا ،، والعَربــِي ،، وقَلمــي.. السبت يوليو 03, 2010 12:43 am | |
| رائي بالي كتبة انه كلام رااااااائع
يعطيك العافية يا احلي ابو شادي | |
|
ابو شادي المشرف المميز
عدد المساهمات : 4083 نقاط : 10895 تاريخ التسجيل : 16/12/2009 العمر : 35
| موضوع: رد: أنــا ،، والعَربــِي ،، وقَلمــي.. الأحد يوليو 04, 2010 11:56 am | |
| | |
|
فتوون البنوتة المميزة
عدد المساهمات : 2414 نقاط : 8389 تاريخ التسجيل : 13/12/2009 العمر : 37
| موضوع: رد: أنــا ،، والعَربــِي ،، وقَلمــي.. الثلاثاء يوليو 06, 2010 9:54 am | |
| يعطيك العافية ابو شادي مجهود تشكر عليه | |
|
ابو شادي المشرف المميز
عدد المساهمات : 4083 نقاط : 10895 تاريخ التسجيل : 16/12/2009 العمر : 35
| موضوع: رد: أنــا ،، والعَربــِي ،، وقَلمــي.. الأربعاء يوليو 07, 2010 1:00 am | |
| انت التي تشكرين علي مرورك الرائع وعلي تواجدك في كل مواضيعي | |
|