مأسااااااتي ... عشتها في حياتي

اهليين كيفكم؟؟ ان شالله تمام ..
انا حبيت انزل دا الموضوع الي انا كتبتو وا ن شالله تستفيدوا مني
اول شي انا بنت عمري 16 سنة حقولكم اش حكايتي في سن المراهقه سن الطفوله بالأصح في دا السن
حبيت واتعلقت في واحد مرررره يعني لدرجة مااشوف غيرو مااقدر اعيش من غيرو كل تفكيري معاه
بس افكر فيه مااعرف اذا هوا من جد كان يحبني من قلبو ولا لا هوا كان عمرو 17 سنة وهوا كمان يعتبر
في سن مراهقه كان داااااااايما يقولي كلمة (أحبك) وكان يقولي انت ليا وماحد حياخدك مني انا ابغاكي انتي
انا شاريكي يابنت الناس انا كنت مستغربه انو بسرعه حبني وبسرعه حبيتو واتعلقنا في بعض قولتلو اش الي خلاك تتعلق فيا كدا قلي اسلوبك اخلاقك معايا انا ماعمري شوفت بنت زيك استمرينا انا وهوا تقريبا سنة ونص
او سنتين انا حسيتو فاهمني ارتحتلو مرره امكن عشان كان هوا اول واحد دخل حياتي ..
المهم بعدا دا كلو وبعد سنتين بعد الايام الحلوه الي عشناها والايام الوحشه الي عشناها مع بعض
كان يوم الجمعه بعدو سبت اختبارات كانت فترة اختبارات ذاكرت طبعا خلصت روحت اتصلت عليه
ابغا اطمن عيه اقولو ذاكرت ولا لا
وكلمتو عادي بعدين جا قلي ابغا اقولك حاجه امكن ماتفرحك قولتلو الله يستر قول اش في قلي انا امكن
بعد سنتين اسافر اكمل دراستي برا قولتلو طيب حلو الله يوفقك يارب مااعرف كيف حعيش من غيرك بس
يلا مو مشكله اهم شي دراستك قلي انا اقولك حاجه لاتفكري فيا عيشي حياتك زي لما كنتي عايشتها اول من غيري انا في دا الوقت كأنو احد اعطاني كف في وجهيخلاص يعني اش اقول واحد يقولك الكلام دا اش ترد اش تقول خلاص يعني مفهومه روحي ابغا ابعد عنك خلاص انا بينلتو انو عادي ماتفرق معايا اذا انت ماتفرق معاك وانا كمان عادي قولتلو طيب احذفني من ايميلك وامسح رقمي وانسى وحده اسمها ........ من حياتك قلي طيب
يعني ماقلي لا قال طيب يعني الولد راضي باللي يصير وشويه سكت بعدين قلي لااااااااااااا
انا مااقصد كدا انتي فهمتي غلط قولتلو لا انت قصدك انو نبعد عن بعض هوا دا الي فهمتو من كلامك والي بينتو ليا وعصب وقلي انتي دايما تفهميني غلط وانتي وانتي اقولك حاجه انتي عارفه انو الولد غلط يكلم بنت وانا الي جالس اسويه غلط وانا اخاف على اخواتي احد يسويلهم كدا واكيد اخوكي يخاف عليكي انتي كمان
يعني ماشالله عليه عرف دحين انو الي يسوي غلط بس مافكر يخاف على اخواتو اذا احد سوالهم نفس موقفو
وقلي يابنت الناس انتي في طريق وانا في طريق انا في دا الوقت خاص ماقدرت اقول ولا كلمة لا ويقولي الأخ
خدي نصيحه من اخوكي الكبير لاتكملي ولا ولد نصييحه لا صراحه ماتقصر ....
المهم بعد ماقفلت منو الدنيا قفلت في وجهي جلست ابكي بكى والله حياتي كلها مابكيت زي البكى دا
وكان بكرى عندي اختبار يعني انسو الموضوع والله دا اليوم من جد يوم اسود وصحبتي الله يخليها ياارب ليا
جلست تهديني قفلت منها روحت صليت ركعتين وانا ابكي لأنو كنت انا دايما ادعي كنت اقول يارب اذا كان فيلو
خير يارب قربني ليه اكتر واذا ماكا نفيه خير يارب بعدني عنو ومن جد سبحان الله اهو ربي خلاني ابعد عنو
لأنو خير ليا صح بكيت وزعلت واضايقت كمان بس والله والله اني دحين فرحانه لدرجة ماتتصوروخلاص مافي شي اشيل همو زي اول مرتاااااحه احلى شي الواحد لما يعيش حياتو مرتااااح امكن احنا ماحبينا بعض اتعلقنا في بعض حتستغربو اش الفرق بس في فرق لما تتعلقو في انسان ولما تحب انسان
لما تتعلق في انسان يعني ماتقدر تعيش من غيرو انا اقولكم زي المويا مثلا تقدرو تعيشو من غير مويا طبعا لا انتو متعلقين فيها بس اذا احد جا خيركم بين مويا وعصير تحبو اش حتختارو طبعا العصير لأنك تحبو
بس المويا ماتقدر تعيش من غيرها يعني غصبن عنك تشربها
الحب يكون فيه اخلاص الواحد لازم يعرف كلمة احبك ويعرف انها مو أي كلمة تنقال ومو لأي احد بعدين يجي يقولها عشان يكون قد الكلمة الي يقولها فاهمين عليا امكن هوا دا الي استفدتوا من هادي التجربه وكمان احنا كنا في سن مراهقه يعني سن صراحه واحد يتعلق في أي احد بسرعه لأنو يفكر بعاطفيتو مو بعقلو عاطفيتو هيا الي دفعتو لدا الشي بس دحين كبرنا وعقلنا عرفنا الصح من الغلط وان شالله مايتكرر دا الشي ..
دي الايام سار مافي شي اسمو حب كلمة (أحبك) سارت تنقال كدا ع الماشي مو عارفين اش يعني احبك يحسبوها كلمة . بس والله هيا اكتر من كلمة بس اذا الواحد فهم اش يعني احبك حيعرف معنى الحب من جد
امكن مااقولكم مافي احد حب من قلبو الا في وامكن متزوجين دحين وعايشين حياتهم بس مو غالبا دا الشي يحصل وبالذات لما يكون عن طريق نــــت مررررره غلط
المهم انا حبيت اقولكم قصتي هادي عشان تستفيدوا انتو كمان زي مااستفدت انا
انا ماقولت قصتي دي عشان اني مضايقه ولا شي لابالعكس انو حياتي دحين احلى حياة عايشتها والله
لأنو في واحد يفكر فيا وقلبو متعلق فيا فين مااروح يكون معايا يعرف كل شي عني لما ابغا في شي احصلو
ابغا يساعدني يكون جمبي وانتو اكيد عرفتو مين هوا ربنا الي اذا أي احد نال حبو تكفي الدنيا ومافيها
هادا هوا الحب لابد مو كلام فاضي وهبل دنيا
المهم الله يوفقنا ويسعدنا يارب ويغرس حبو في قلبنا والي تفكر تحب وتبغا تجرب انصحها لا لا لا
تعيش حياتها احسن لاتجرب عشان لاتندم مو عشان حبتو واتعلقت فيه لا عشان ضيعت كل وقتها معاه
واتمنى انكم استفدتو ...
يارب اذا كانت حياتي فوق السماء أجمل ... فخذني روحا طاهره يـــارب