شبع ضحك مع هاد النكت

*1-وحد مكلخ كيتمشا ف الطريق لقى وحد البزطام حلو لقى فيه ورقت الضو مشى خلصها.

*2-جوج حشايشية كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم....قال ليه غير رجع هواحد منهم جاي

*3-هادا واحد شرى طوموبيل فيها كمبيوتر. كان غادي صايك وهو يقول ليه الكمبيوتر: إيلا فتي 90 ف السرعة غادي تدير كسيدة. الراجل تنفخ، زاد ف السرعة، عاود قال ليه الكمبيوتر: إيلا فتي 120 ف السرعة غادي تدير كسيدة. الراجل ناض زاد ف السرعة، والكمبيوتر كل مرة كيعاود ليه نفس الهدرة. غير وصلات السرعة 180، و هو يقول ليه الكمبيوتر: الله يرحم باك نزلني أنا هنا خلاص

*4-واحد المرا وراجلها مخاصمين وما كيهضروش مع بعضياتهم. الراجل بغى يفيق بكري باش يمشي للخدمة، كتب لمرتو ف ورقة: فيقيني مع 7:00، وحطها ليها حدا الناموسية. منين فاق لقى 10:00 وحداه ورقة مكتوب فيها: فيق، راه 7:00 هادي

*5-هادا واحد كيقعل بزاف، تلاقى مع واحد صاحبو، سولو صاحبو: باش تغديتي؟ قال ليه: بالحوت. ومن بعد عام، تلاقى بهاداك صاحبو نيت وهو يسولو: وا كي داير؟ جاوبو: مقلي

*6-هادا واحد طلع للطوبيس وشاف واحد البنت جالسة وعجباتو. ضحك ليها وضحكات ليه. غمز ليها وغمزات ليه. مشى عندها قال ليها نزلي ف البلاكة الجاية. هي نزلات وهو جلس ف بلاصتها

*7-واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها

*8-هادا واحد مكلخ ما كيجيهش النعاس. قال ليه واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتال 500 وغادي يجيك النعاس. خينا مشى ف الليل و بدا كيحسب، غير وصل ل 199 و هو يجيه النعاس، وهو نيت ينوض وغسل وجهو و رجع للناموسية يكمل الحساب.

*9-هادا واحد مكلخ طاح ف الدروج. خرج ليه الطبيب بومادة و قال ليه دهن بلاصة الطيحة. ناض المكلخ كيدهن ف الدروج

*10-هادا واحد مشى للفرماسيان وقال ليهم: بغيت الحليب ديال الدراري الصغار
قال ليه مول الفرماسيان: أشنو سميتو؟
قال ليه: مروان